ಕಾಡುಹಂದಿ ದಾಳಿ…ಕೂಲಿ ಕಾರ್ಮಿಕನಿಗೆ ಗಂಭೀರ ಗಾಯ…

ಎಚ್.ಡಿ.ಕೋಟೆ,ಏ22,Tv10 ಕನ್ನಡ
ಕಾಡುಹಂದಿ ದಾಳಿ ನಡೆಸಿದ ಪರಿಣಾಮ ಕೂಲಿ ಕಾರ್ಮಿಕ ಗಂಭೀರವಾಗಿ ಗಾಯಗೊಂಡ ಘಟನೆ ಹೆಚ್.ಡಿ.ಕೋಟೆ ತಾಲೂಕು ಹೈರಿಗೆ ಗ್ರಾಮದಲ್ಲಿ ನಡೆದಿದೆ. ಕಬ್ಬು ಕತ್ತರಿಸಲು ಹೋಗಿದ್ದ ಕೂಲಿ ಕಾರ್ಮಿಕ ಪುಟ್ಟಮಾದ (50) ಹಂದಿ‌ ದಾಳಿಯಿಂದ ಗಾಯಗೊಂಡು ತಾಲೂಕಿನ ಸರ್ಕಾರಿ ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
10 ಮಂದಿ ಕೂಲಿ ಕಾರ್ಮಿಕರು‌ ಕಬ್ಬು ಕಟಾವು ಮಾಡುವ ಕೆಲಸಕ್ಕೆ ತೆರಳಿದ್ದಾಗ ಘಟನೆ ಸಂಭವಿಸಿದೆ.
ಪೊದೆಯಲ್ಲಿದ್ದ ಹಠಾತ್ ಹೊರಬಂದು ದಾಳಿ ನಡೆಸಿದ ಕಾಡುಹಂದಿ. ಪುಟ್ಟಮಾದನ ತೊಡೆಗಳು ಮತ್ತು ಕುತ್ತಿಗೆಯಭಾಗವನ್ನ ಗಾಯಗೊಳಿಸಿದೆ.
ಚೀರಾಟ ಕೇಳಿ ಸಹಕಾರ್ಮಿಕರು ಪುಟ್ಡಮಾದನ ನೆರವಿಗೆ ಧಾವಿಸಿದ್ದಾರೆ.
ಪ್ರಥಮ ಚಿಕಿತ್ಸೆ ಬಳಿಕ ವೈದ್ಯರ ಸಲಹೆಯಂತೆ ಹೆಚ್ಚಿನ ಚಿಕಿತ್ಸೆಗೆ ಜಿಲ್ಲಾಸ್ಪತ್ರೆಗೆ ರವಾನೆ ಮಾಡಲಾಗಿದೆ…