50-50 ಅನುಪಾತ ನಿವೇಶನ ಹಂಚಿಕೆ ಆದೇಶ ರದ್ದು…ಸರ್ಕಾರದ ಮಹತ್ತರ ಆದೇಶ…

ಮೈಸೂರು,ನ7,Tv10 ಕನ್ನಡ

ಮೈಸೂರು ನಗರಾಭಿವೃದ್ದಿ ಪ್ರಾಧಿಕಾರವು 50-50 ಅನುಪಾತ ನಿವೇಶನ ನೀಡುವ ಆದೇಶವನ್ನ ಸರ್ಕಾರ ರದ್ದುಪಡಿಸಿದೆ.ಮುಡಾ ವ್ಯಾಪ್ತಿಯ ಬಡಾವಣೆ ಹಾಗೂ ಇನ್ನಿತರ ಉದ್ದೇಶಗಳಿಗಾಗಿ ಭೂಸ್ವಾಧೀನ ಪ್ರಕ್ರಿಯೆ ಪೂರ್ಣಗೊಳಿಸದೆ ಮತ್ತು ಪರಿಹಾರ ನೀಡದ ಜಮೀನುಗಳನ್ನ ಉಪಯೋಗಿಸಿದ ಪ್ರಕರಣಗಳಲ್ಲಿ 50-50 ಅನುಫಾತದಲ್ಲಿ ನಿವೇಶನ ನೀಡುವ ಆದೇಶ ರದ್ದುಪಡಿಸಲಾಗಿದೆ.

14-09-2020 ರಲ್ಲಿ ಮೈಸೂರು ನಗರಾಭಿವೃದ್ದಿ ಪ್ರಾಧಿಕಾರದ ಸಭೆಯಲ್ಲಿ ವಿಷಯ ಸಂಖ್ಯೆ 18 ರಲ್ಲಿ ಕೈಗೊಂಡ ನಿರ್ಣಯದ ಬಗ್ಗೆ ಯಾವುದೇ ಕ್ರಮ ಕೈಗೊಂಡಿಲ್ಲ.ಈ ಬಗ್ಗೆ ಜಿಲ್ಲಾಧಿಕಾರಿಗಳಿಂದಲೂ ವರದಿ ಬಂದಿರುವುದಿಲ್ಲ.ಇಂತಹ ನಿರ್ಣಯಗಳನ್ನ ಕೈಗೊಂಡ ಹದಿನೈದು ದಿನಗಳ ಒಳಗೆ ಕರ್ನಾಟಕ ನಗರಾಭಿವೃದ್ದಿ ಪ್ರಾಧಿಕಾರದ ಕಾಯ್ದೆ ಪ್ರಕಾರ ಸರ್ಕಾರಕ್ಕೆ ಮುಂದಿನ ಆದೇಶಕ್ಕಾಗಿ ಕಳುಹಿಸಬೇಕು. ಸರ್ಕಾರ ಮುಂದಿನ ನಿರ್ಧಾರ ಕೈಗೊಳ್ಳುವವರೆಗೂ ನಿರ್ಣಯ ಕೈಗೊಳ್ಳಲು ಆಯುಕ್ತರಿಗೆ ಅವಕಾಶ ನೀಡಿರುವುದಿಲ್ಲ. ಈ ಹಿನ್ನಲೆ ಇಂತಹ ಪ್ರಕರಣಗಳಲ್ಲಿ ಮೈಸೂರು ನಗರಾಭಿವೃದ್ದಿ ಪ್ರಾಧಿಕಾರ ತೆಗೆದುಕೊಂಡ ಆದೇಶವನ್ನ ಕರ್ನಾಟಕ ನಗರಾಭಿವೃದ್ದಿ ಪ್ರಾಧಿಕಾರ ರದ್ದುಪಡಿಸಿದೆ…