ವರ್ಗಾವಣೆಗೆ ಬೇಸತ್ತು ಡಿಪೋ ಮುಂದೆ ವಿಷ ಕುಡಿದ ಚಾಲಕ…ಸಚಿವರ ವಿರುದ್ದ ಆಕ್ರೋಷ…

ಮಂಡ್ಯಾ,ಜು5,Tv10 ಕನ್ನಡ
ವರ್ಗಾವಣೆಯಿಂದ ಬೇಸತ್ತ ಕೆ.ಎಸ್.ಆರ್.ಟಿ.ಸಿ.ಚಾಲಕ ಡಿಪೋ ಮುಂದೆ ವಿಷ ಸೇವಿಸಿ ಆತ್ಮಹತ್ಯೆಗೆ ಯತ್ನಿಸಿದ ಘಟನೆ ಮಂಡ್ಯ ಜಿಲ್ಲೆ ನಾಗಮಂಗಲ ಡಿಪೋ ಬಳಿ ನಡೆದಿದೆ.ವರ್ಗಾವಣೆ ಹಿಂದೆ ಸಚಿವರ ಚಿತಾವಣೆ ಇದೆ ಎಂದು ಆಕ್ರೋಷ ವ್ಯಕ್ತಪಡಿಸಿದ್ದಾರೆ.
ಸಚಿವರ ವಿರುದ್ಧ ಚಾಲಕ ಗಂಭೀರ ಆರೋಪ ಮಾಡಿದ್ದಾರೆ.
ಚಾಲಕ ಜಗದೀಶ್ ಎಂಬುವರು ವಿಷ ಸೇವಿಸಿದ ಚಾಲಕ.
ಕಳೆದ ಚುನಾವಣೇಲಿ ಜೆಡಿಎಸ್ ಪರ ಕೆಲಸ ಮಾಡಿದ್ದಕ್ಕೆ ವರ್ಗಾವಣೆ ಎಂದು ಜಗದೀಶ್ ಆರೋಪಿಸಿದ್ದಾರೆ.
ವರ್ಗಾವಣೆಗೆ ಡಿಪೋ ಮ್ಯಾನೇಜರ್ ಬೇರೆ ಕಾರಣ ನೀಡಿದ್ದಾರೆ. ಮಹಿಳಾ ನಿರ್ವಾಹಕಿ ಜೊತೆ ಅನುಚಿತವಾಗಿ ವರ್ತಿಸಿದ್ದಾರೆಂದು ದೂರಿದ್ದಾರೆ.
ದೂರಿನನ್ವಯ ಮದ್ದೂರು ಡಿಪೋಗೆ ವರ್ಗಾವಣೆ ಮಾಡಲಾಗಿದೆ ಎಂದು ಸ್ಪಷ್ಟಪಡಿಸಿದ್ದಾರೆ.
ವಿಷ ಕುಡಿದ ಜಗದೀಶ್ ಗೆ ನಾಗಮಂಗಲ ಆಸ್ಪತ್ರೆಯಲ್ಲಿ ಪ್ರಥಮ ಚಿಕಿತ್ಸೆ ನೀಡಲಾಗಿದೆ.
ಹೆಚ್ಚಿನ ಚಿಕಿತ್ಸೆಗೆ ಆದಿಚುಂಚನಗಿರಿ ಆಸ್ಪತ್ರೆಗೆ ರವಾನಿಸಲಾಗಿದೆ.
ನಾಗಮಂಗಲ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ…