ಮುಡಾ ಜಾಗದಲ್ಲಿ ಅನಧಿಕೃತ ಕಟ್ಟಡ ನಿರ್ಮಾಣ ಕಾಮಗಾರಿ…ಕೂಡಲೇ ತೆರುವುಗೊಳಿಸುವಂತೆ ಮಾಲೀಕರಿಗೆ ನೋಟೀಸ್…

ಮೈಸೂರು,ನ8,Tv10 ಕನ್ನಡ

ಮೈಸೂರು ನಗರ ದೇವರಾಜ ಮೊಹಲ್ಲಾ ಗೋಕುಲಂ 1 ನೇ ಹಂತದ ಕೆ.ಅರ್.ಎಸ್.ರಸ್ತೆಯ ಸ್ವತ್ತಿನ ಸಂಖ್ಯೆ 97 ರಲ್ಲಿ ಅನಧಿಕೃತವಾಗಿ ಮೈಸೂರು ನಗರಾಭಿವೃದ್ದಿ ಪ್ರಾಧಿಕಾರದ ಆಸ್ತಿಯನ್ನ ಒತ್ತುವರಿ ಮಾಡಿಕೊಂಡು ಕಾಂಪೌಂಡ್ ಹಾಗೂ ಕಟ್ಟಡ ನಿರ್ಮಾಣಕ್ಕೆ ಕಾಮಗಾರಿ ಆರಂಭಿಸಿರುವ ವ್ಯಕ್ತಿಗಳಿಗೆ ವಲಯ 4 ರ ಅಧಿಕಾರಿಗಳು ನೋಟೀಸ್ ಜಾರಿ ಮಾಡಿದ್ದಾರೆ.ಕೂಡಲೇ ಒತ್ತುವರಿ ಜಾಗವನ್ನ ತೆರವುಗೊಳಿಸುವಂತೆ ಸೂಚನೆ ನೀಡಿದ್ದಾರೆ.ಸದರಿ ಸ್ವತ್ತಿನಲ್ಲಿ ಹೊನ್ನಮ್ಮ ಮತ್ತು ನೀತಾ ಎಂಬುವರಿಗೆ ಪ್ರಾಧಿಕಾರದಿಂದ (76.00+35.50)/2*64.21 ವಿಸ್ತೀರ್ಣ ಮಂಜೂರಾಗಿದೆ.ಇದಕ್ಕೆ ಹೊಂದಿಕೊಂಡಂತೆ ಇರುವ ತುಂಡು ಜಾಗವನ್ನ ಮಂಜೂರು ಮಾಡಿಕೊಡುವಂತೆ ಹೊನ್ನಮ್ಮ ಹಾಗೂ ನೀತಾ ಮನವಿ ಮಾಡಿದ್ದಾರೆ.ಅರ್ಜಿಯನ್ನ ತಿರಸ್ಕರಿಸಲಾಗಿದ್ದು ತುಂಡು ಭೂಮಿ ಸದರಿಯವರಿಗೆ ಮಂಜೂರಾಗಿರುವುದಿಲ್ಲಿ.ಹೀಗಿದ್ದೂ ಜಾಗವನ್ನ ಒತ್ತುವರಿ ಮಾಡಿಕೊಂಡು ಕಟ್ಟಡ ನಿರ್ಮಾಣಕ್ಕೆ ಮುಂದಾಗಿದ್ದಾರೆ.ಕೂಡಲೇ ಅನಧಿಕೃತವಾಗಿ ಒತ್ತುವರಿ ಮಾಡಿಕೊಂಡಿರುವ ಜಾಗವನ್ನ ತೆರುವು ಮಾಡದಿದ್ದಲ್ಲಿ ನಿಯಮಾನುಸಾರ ಕ್ರಮ ಜರುಗಿಸಲಾಗುವುದೆಂದು ವಲಯ 4 ರ ಅಧಿಕಾರಿಗಳು ಎಚ್ಚರಿಕೆ ನೀಡಿದ್ದಾರೆ…