ಅಕ್ರಮ ಸಂಭಂಧ ಶಂಕೆ…ಪತ್ನಿಯನ್ನ ಕೊಂದು ಶರಣಾದ ಪತಿ…

ಮೈಸೂರು,ಜ3,Tv10 ಕನ್ನಡ

ಅಕ್ರಮ ಸಂಭಂಧ ಶಂಕೆ ಹಿನ್ನಲೆ ಪತ್ನಿಯನ್ನ ಚಾಕುವಿನಿಂದ ಮನಸೋ ಇಚ್ಛೆ ಇರಿದು ಕೊಂದ ಪತಿರಾಯ ಪೊಲೀಸರಿಗೆ ಶರಣಾದ ಘಟನೆ ಮೈಸೂರಿನ ಜಯದೇವನಗರದಲ್ಲಿ ನಡೆದಿದೆ.ಒಡಿಸ್ಸಾ ಮೂಲದ ಕಾವೇರಿ ಗಡಾಯಿ(40) ಕೊಲೆಯಾದ ದುರ್ದೈವಿ.ಪತ್ನಿಯನ್ನ ಕೊಂದು ಪೊಲೀಸರಿಗೆ ಶರಣಾದ ಪತಿ ಪ್ರಮೋದ್ ಕುಮಾರ್ ಜನಾ(43).ವಲಸೆ ಕಾರ್ಮಿಕರಾದ ಈ ದಂಪತಿ 6 ತಿಂಗಳ ಹಿಂದೆ ಹರಿಯಾಣದಿಂದ ಮೈಸೂರಿಗೆ ಬಂದು ನೆಲೆಸಿದ್ದರು.ಜೆ.ಕೆ.ಟೈರ್ಸ್ ನಲ್ಲಿ ಗುತ್ತಿಗೆ ಕಾರ್ಮಿಕನಾಗಿದ್ದ ಪ್ರಮೋದ್ ಕುಮಾರ್ ಜನಾ ಪತ್ನಿಯ ಅಕ್ರಮ ಸಂಭಂಧದ ಬಗ್ಗೆ ಶಂಕಿಸುತ್ತಿದ್ದ.ನಿನ್ನೆ ರಾತ್ರಿಯೂ ಸಹ ಇದೇ ವಿಚಾರದಲ್ಲಿ ಗಲಾಟೆ ಮಾಡಿದ ಪ್ರಮೋದ್ ಕುಮಾರ್ ಜನಾ ಚಾಕುವಿನಿಂದ ಇರಿದು ಕೊಂದು ನಂತರ ಮೇಟಗಳ್ಳಿ ಪೊಲೀಸರಿಗೆ ಶರಣಾಗಿದ್ದಾನೆ.ಮೇಟಗಳ್ಳಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ…