ಹಸು ಮೇಯಿಸುತ್ತಿದ್ದ ಮಹಿಳೆ ಮೇಲೆ ಅತ್ಯಾಚಾರಕ್ಕೆ ಯತ್ನ…ಆರೋಪಿ ಅಂದರ್…4 ದಿನಗಳಲ್ಲೇ ಕಾಮುಕನಿಗೆ ಬೇಲ್…

ನಂಜನಗೂಡು,ಜ11,Tv10 ಕನ್ನಡ

ಹಸು ಮೇಯಿಸುತ್ತಿದ್ದ ಮಹಿಳೆ ಮೇಲೆ ಕಾಮುಕನೊಬ್ಬ ಅತ್ಯಾಚಾರವೆಸಗಲು ಯತ್ನಿಸಿದ ಘಟನೆ ನಂಜನಗೂಡು ತಾಲೂಕಿನ ಕವಲಂದೆ ಪೊಲೀಸ್ ಠಾಣಾ ವ್ಯಾಪ್ತಿಯ ಚಿನ್ನಂಬಳ್ಳಿ ಗ್ರಾಮದಲ್ಲಿ ನಡೆದಿದೆ.ಕೃತ್ಯವೆಸಗಿ ಪೊಲೀಸರ ಕೈಗೆ ಸಿಕ್ಕಿಬಿದ್ದ ಕಾಮುಕನಿಗೆ ನಾಲ್ಕೇ ದಿನದಲ್ಲಿ ಜಾಮೀನು ದೊರೆತು ಬಿಡುಗಡೆಯೂ ಆಗಿದೆ.
ಚಿನ್ನಂಬಳ್ಳಿ ಗ್ರಾಮದ ನಂದೀಶ್ ಅತ್ಯಾಚಾರ ಆರೋಪದ ಮೇಲೆ ಅರೆಸ್ಟ್ ಆಗಿ ಜಾಮೀನಿನ ಮೇಲೆ ಬಿಡುಗಡೆಯಾದ ಕಾಮುಕ.ಡಿ.21 ರಂದು ಘಟನೆ ನಡೆದಿದೆ.ಚಿನ್ನಂಬಳ್ಳಿ ಗ್ರಾಮದ 44 ವರ್ಷದ ಮಹಿಳೆ ಜಮೀನಿನಲ್ಲಿ ಹಸು ಮೇಯಿಸುತ್ತಿದ್ದ ವೇಳೆ ಬಂದ ನಂದೀಶ್ ತನ್ನ ಹಸು ಕಾಣೆಯಾಗಿದೆ ನೋಡಿದ್ಯಾ ಎಂದು ನೆಪವೊಡ್ಡಿ ಮಹಿಳೆ ಮೇಲೆ ಎರಗಿದ್ದಾನೆ.ಈ ವೇಳೆ ಮಹಿಳೆ ಕೂಗಾಡಿದಾಗ ಸಮೀಪದಲ್ಲಿದ್ದ ವ್ಯಕ್ತಿಯೊಬ್ಬರು ನೆರವಿಗೆ ಧಾವಿಸಿದಾಗ ನಂದೀಶ್ ಎಸ್ಕೇಪ್ ಆಗಿದ್ದಾನೆ.ದೂರು ದಾಖಲಾದ ನಂತರ ಕವಲಂದೆ ಪೊಲೀಸರು ಆರೋಪಿಯನ್ನ ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.ಆದರೆ ಕೇವಲ ನಾಲ್ಕು ದಿನಗಳಲ್ಲೇ ಅತ್ಯಾಚಾರಕ್ಕೆ ಯತ್ನಿಸಿದ ಆರೋಪಿಗೆ ಜಾಮೀನು ದೊರೆತಿದೆ.ನಾಲ್ಕು ದಿನಗಳಲ್ಲಿ ಆರೋಪಿಗೆ ಬೇಲ್ ಸಿಕ್ಕಿರುವುದು ಅಚ್ಚರಿಗೆ ಕಾರಣವಾಗಿದೆ…