ಎರಡು ಬೈಕ್ ಗಳ ಮುಖಾಮುಖಿ ಢಿಕ್ಕಿ…ಬೈಕ್ ಸವಾರ ಸಾವು…ಮತ್ತಿಬ್ಬರಿಗೆ ಗಂಭೀರ ಗಾಯ…ಟ್ರಿಪ್ಸ್ ತಂದ ಆಪತ್ತು…

ಮೈಸೂರು,ಮೇ17,Tv10 ಕನ್ನಡ

ಟ್ರಿಪ್ಸ್ ನಲ್ಲಿ ತೆರಳುತ್ತಿದ್ದ ಬೈಕ್ ಗೆ ಮತ್ತೊಂದು ಬೈಕ್ ಢಿಕ್ಕಿ ಹೊಡೆದ ಪರಿಣಾಮ ಓರ್ವ ಸಾವನ್ನಪ್ಪಿದ್ದು ಇನ್ನಿಬ್ಬರು ಗಂಭೀರವಾಗಿ ಗಾಯಗೊಂಡ ಘಟನೆ ಮೈಸೂರಿನ ರಿಂಗ್ ರೋಡ್ ನ ದೇವೇಗೌಡ ವೃತ್ತದ ಬಳಿ ನಡೆದಿದೆ.ಬನ್ನೂರಿನ ನಿವಾಸಿ ಜಮೀಲ್(45) ಮೃತ ದುರ್ದೈವಿ.ಬೈಕ್ ಹಿಂದೆ ಕುಳಿತಿದ್ದ ಮುಬಾರಕ್ (12) ಹಾಗೂ ಅವೇಸ್(14) ಗಾಯಗೊಂಡವರು.ಮೈಸೂರಿನಿಂದ ಬನ್ನೂರಿಗೆ ಬೈಕ್ ನಲ್ಲಿ ಮೂವರು ತ್ರಿಬಲ್ ರೈಡಿಂಗ್ ನಲ್ಲಿ ತೆರಳುತ್ತಿದ್ದ ವೇಳೆ ಬೈಕ್ ಢಿಕ್ಕಿ ಹೊಡೆದಿದೆ.ಗಂಭೀರವಾಗಿ ಗಾಯಗೊಂಡ ಮೂವರನ್ನ ಖಾಸಗಿ ಆಸ್ಪತ್ರೆಗೆ ಸಾಗಿಸಲಾಗಿದೆ.ಮಾರ್ಗಮಧ್ಯೆ ಜಮೀಲ್ ಸಾವನ್ನಪ್ಪಿದ್ದಾರೆ.ಗಾಯಗೊಂಡ ಮುಬಾರಕ್ ಹಾಗೂ ಅವೇಸ್ ಗೆ ಚಿಕಿತ್ಸೆ ನೀಡಲಾಗುತ್ತಿದೆ.ಚಿಕ್ಕಗಡಿಯಾರ ಬಳಿ ಹಣ್ಣಿನ ವ್ಯಾಪಾರಿಯಾಗಿರುವ ಜಮೀಲ್ ಕಳೆದ ತಿಂಗಳಷ್ಟೆ ತಂದೆಯನ್ನ ಕಳೆದುಕೊಂಡಿದ್ದರು.ಇಂದು ತಮ್ಮ ತಂಗಿಯ ಮಕ್ಕಳಾದ ಮುಬಾರಕ್ ಹಾಗೂ ಅವೇಸ್ ರನ್ನ ಮಧ್ಯಾಹ್ನದ ನಮಾಜ್ ಮುಗಿಸಿ ಬನ್ನೂರಿಗೆ ಟ್ರಿಪ್ಸ್ ನಲ್ಲಿ ತೆರಳುತ್ತಿದ್ದ ವೇಳೆ ದುರ್ಘಟನೆ ನಡೆದಿದೆ.ಸಿದ್ದಾರ್ಥ ಸಂಚಾರಿ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ…