ರೌಡಿಗಳೊಂದಿಗೆ ಸ್ನೇಹ…ಮಟ್ಕಾ ಕಿಂಗ್ ಜೊತೆ ಒಡನಾಟ…ಜಯಲಕ್ಷ್ಮಿಪುರಂ ಪೇದೆ ಸುರೇಶ್ ಸಸ್ಪೆಂಡ್…

ರೌಡಿಗಳೊಂದಿಗೆ ಸ್ನೇಹ…ಮಟ್ಕಾ ಕಿಂಗ್ ಜೊತೆ ಒಡನಾಟ…ಜಯಲಕ್ಷ್ಮಿಪುರಂ ಪೇದೆ ಸುರೇಶ್ ಸಸ್ಪೆಂಡ್…

ಮೈಸೂರು,ಸೆ21,Tv10 ಕನ್ನಡ
ರೌಡಿಗಳೊಂದಿಗೆ ಸ್ನೇಹ ಬೆಳೆಸಿಕೊಂಡು ಮಟ್ಕಾದಂಧೆ ನಡೆಸುವ ವ್ಯಕ್ತಿಗಳ ಜೊತೆ ಒಡನಾಟ ಇಟ್ಟುಕೊಂಡು ಪೊಲೀಸ್ ಇಲಾಖೆಯ ಶಿಸ್ತಿಗೆ ವಿರುದ್ದವಾಗಿ ನಡೆದುಕೊಂಡ ಜಯಲಕ್ಷ್ಮಿಪುರಂ ಠಾಣೆಯ ಪೇದೆ ಸುರೇಶ್ ರವರನ್ನ ಸಸ್ಪೆಂಡ್ ಮಾಡಲಾಗಿದೆ.ನಗರ ಪೊಲೀಸ್ ಆಯುಕ್ತ ಡಾ.ಚಂದ್ರಗುಪ್ತ ಆದೇಶ ಹೊರಡಿಸಿದ್ದಾರೆ.ಈ ಹಿಂದೆ ನಗರ ವಿಶೇಷ ವಿಭಾಗದಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದ ಸುರೇಶ್ ವಿರುದ್ದ ಹಲವಾರು ದೂರುಗಳು ಬಂದ ಹಿನ್ನಲೆ ಜಯಲಕ್ಷ್ಮಿಪುರಂ ಠಾಣೆಗೆ ವರ್ಗಾಯಿಸಲಾಗಿತ್ತು.ಹೀಗಿದ್ದೂ ವರ್ತನೆಯನ್ನ ತಿದ್ದುಕೊಳ್ಳದ ಸುರೇಶ್ ರೌಡಿಗಳೊಂದಿಗೆ ಸ್ನೇಹ ಬೆಳೆಸಿಕೊಂಡಿರುವುದು ಹಾಗೂ ಮಟ್ಕಾ ಮತ್ತು ಬುಕ್ಕಿಯಾಗಿ ಅಪರಾಧ ಚಟುವಟಿಕೆಗಳಲ್ಲಿ ಭಾಗಿಯಾಗಿರುವ ಅಬ್ದುಲ್ ಜಮೀರ್ ಎಂಬಾತನೊಂದಿಗೆ ಸಂಪರ್ಕ ಇಟ್ಟುಕೊಂಡಿರುವುದು ಮೇಲ್ನೋಟಕ್ಕೆ ಸಾಬೀತಾಗಿದೆ.ಈ ಹಿನ್ನಲೆ ಸುರೇಶ್ ರನ್ನ ಇಲಾಖಾ ವಿಚಾರಣೆ ಬಾಕಿ ಇರುವಂತೆ ಅಮಾನತ್ತಿನಲ್ಲಿಡಲಾಗಿದೆ ಎಂದು ನಗರ ಪೊಲೀಸ್ ಆಯುಕ್ತರು ಆದೇಶಿಸಿದ್ದಾರೆ…