ಇಟ್ಟಿಗೆ ಫ್ಯಾಕ್ಟರಿಯಲ್ಲಿ ಗಾಂಜಾ ಬೆಳೆ ಪತ್ತೆ…ಓರ್ವನ ಬಂಧನ…

ಇಟ್ಟಿಗೆ ಫ್ಯಾಕ್ಟರಿಯಲ್ಲಿ ಗಾಂಜಾ ಬೆಳೆ ಪತ್ತೆ…ಓರ್ವನ ಬಂಧನ…

ಪಿರಿಯಾಪಟ್ಟಣ,ಅ1,Tv10 ಕನ್ನಡ
ಇಟ್ಟಿಗೆ ಫ್ಯಾಕ್ಟರಿ ಮೇಲೆ ದಾಳಿ ನಡೆಸಿದ ಅಬಕಾರಿ ಇಲಾಖೆ ಅಧಿಕಾರಿಗಳು 15 ಅಡಿ ಎತ್ತರ ಬೆಳೆದಿದ್ದ ಗಾಂಜಾ ಗಿಡ ವಶಪಡಿಸಿಕೊಂಡಿದ್ದಾರೆ. ಮೈಸೂರು ಜಿಲ್ಲೆಯ ಪಿರಿಯಾಪಟ್ಟಣ ತಾಲ್ಲೂಕಿನ ದೊಡ್ಡನೇರಳೆ ಗ್ರಾಮದ ಶಾಬಾಜ್ ರವರಿಗೆ ಸೇರಿದ ಇಟ್ಟಿಗೆ ಫ್ಯಾಕ್ಟರಿಯಲ್ಲಿ ಸುಮಾರು 15 ಅಡಿ ಎತ್ತರದ 15 ಕೆ.ಜಿ ತೂಕದ ಗಾಂಜಾ ಗಿಡವನ್ನು ಬೆಳೆ ಬೆಳೆದಿರುವ ಮಾಹಿತಿ ಅರಿತ ಮೈಸೂರು ಅಬಕಾರಿ ಜಂಟಿ ಆಯುಕ್ತರು ಹಾಗು ಉಪ ಆಯುಕ್ತರು ಗ್ರಾಮಾಂತರ ಅವರ ಮಾರ್ಗದರ್ಶನದಲ್ಲಿ ದಾಳಿ ನಡೆಸಿದ್ದಾರೆ. ಪಶ್ಚಿಮ ಬಂಗಾಳ ಮೂಲದ ಸೂರಜ್ ಓರಾನ್ ಎಂಬಾತನನ್ನ ದಸ್ತಗಿರಿ ಮಾಡಿ ಪ್ರಕರಣ ದಾಖಲಿಸಿ ನ್ಯಾಯಾಲಯದ ಮುಂದೆ ಹಾಜರುಪಡಿಸಲಾಗಿದೆ. .ಮತ್ತೋರ್ವ ಆರೋಪಿ ಸುಕ್ರ ಸಿಂಗ್ ಬಿನ್‌ ತಲೆಮರೆಸಿಕೊಂಡಿದ್ದಾನೆ. ಆರೋಪಿ ಪತ್ತೆಗೆ ಬಲೆ ಬೀಸಲಾಗಿದೆ.ಎಂದು ಹುಣಸೂರು ಉಪ ವಿಭಾಗದ ಅಬಕಾರಿ ಉಪ ಅಧೀಕ್ಷಕ ವಿಜಯಕುಮಾರ್. ಕೆ. ಟಿ, ತಿಳಿಸಿದ್ದಾರೆ .ಕಾರ್ಯಾಚರಣೆಯಲ್ಲಿ ಅಬಕಾರಿಯ ಕುಮಾರ್ ,ಅಜಯ್, ಮಹಮ್ಮದ್ ಬೇಗ್,ಸುಧಾರಾಣಿ , ಕಂದಾಯ ನಿರೀಕ್ಷಕ ಪ್ರದೀಪ್ ,ಗ್ರಾಮಲೆಕ್ಕಿಗ ರಾಜೇಶ್ ,ಲೆಕ್ಕ ಸಹಾಯಕ ಪ್ರಕಾಶ್ ಭಾಗವಹಿಸಿದ್ದರು….