ನಾಯಿ ಮೂತ್ರ ಮಾಡಿದ ಜಾಗ ಪರಿಶಿಷ್ಟ ಜಾತಿ ವಿಧ್ಯಾರ್ಥಿಯಿಂದ ಸ್ವಚ್ಚಗೊಳಿಸಿದ ಶಿಕ್ಷಕ ಅಮಾನತು…ಸಾ.ಶಿ.ಇಲಾಖೆ ಆದೇಶ…

ನಾಯಿ ಮೂತ್ರ ಮಾಡಿದ ಜಾಗ ಪರಿಶಿಷ್ಟ ಜಾತಿ ವಿಧ್ಯಾರ್ಥಿಯಿಂದ ಸ್ವಚ್ಚಗೊಳಿಸಿದ ಶಿಕ್ಷಕ ಅಮಾನತು…ಸಾ.ಶಿ.ಇಲಾಖೆ ಆದೇಶ…

ಹುಣಸೂರು,ಮಾ20,Tv10 ಕನ್ನಡ
ನಾಯಿ ಮೂತ್ರ ಮಾಡಿದ ಜಾಗವನ್ನ ಪರಿಶಿಷ್ಟ ಜಾತಿ ವಿದ್ಯಾರ್ಥಿಯಿಂದ ಸ್ವಚ್ಛಗೊಳಿಸಿ ಅಸ್ಪೃಶ್ಯತೆ ಆಚರಿಸಿದ ಶಾಲಾ ಸಹಶಿಕ್ಷಕನಿಗೆ ಸಾರ್ವಜನಿಕ ಶಿಕ್ಷಣ ಇಲಾಖೆ ಅಮಾನತುಪಡಿಸಿದೆ.ಹುಣಸೂರು ತಾಲೂಕು ಬೀಜಗನಹಳ್ಳಿ ಗ್ರಾಮದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ಸಹಶಿಕ್ಷಕ ರಾಮಕೃಷ್ಣೇಗೌಡ ಅಮಾನತು ಶಿಕ್ಷೆಗೆ ಒಳಗಾದವರು.

ಮಾರ್ಚ್ 7 ರಂದು ಶಾಲೆಯಲ್ಲಿ ನಾಯಿ ಮೂತ್ರವಿಸರ್ಜನೆ ಮಾಡಿತ್ತು.7 ನೇ ತರಗತಿ ಯ ಪರಿಶಿಷ್ಟ ಜಾತಿಯ ವಿಧ್ಯಾರ್ಥಿಯಿಂದ ಶಾಲೆಗೆ ಪುಸ್ತಕಗಳನ್ನ ತರುವ ಬ್ಯಾಗ್ ನಿಂದ ಬಲವಂತವಾಗಿ ಸ್ವಚ್ಛಗೊಳಿಸಿ ಅಸ್ಪೃಶ್ಯತೆ ಆಚರಿಸಿದ್ದರು.ಈ ಬಗ್ಗೆ ಪರಿಶಿಷ್ಟ ಜಾತಿಯ ಮುಖಂಡರು ಕ್ಷೇತ್ರ ಶಿಕ್ಷಣಾಧಿಕಾರಿಗಳಿಗೆ ದೂರು ನೀಡಿದ್ದರು.ಅಧಿಕಾರಿಗಳು ಶಾಲೆಗೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದು ಮೇಲ್ನೋಟಕ್ಕೆ ಆರೋಪ ಸಾಬೀತಾದ ಹಿನ್ನಲೆ ರಾಮಕೃಷ್ಣೇಗೌಡ ರನ್ನ ಅಮಾನತುಗೊಳಿಸಿ ಆದೇಶ ಹೊರಡಿಸಲಾಗಿದೆ…