ಆಲನಹಳ್ಳಿ ಠಾಣೆ ಪೊಲೀಸರ ಕಾರ್ಯಾಚರಣೆ…ಚಾಲಾಕಿ ಮನೆಗಳ್ಳಿ ಬಂಧನ…
- Crime
- December 31, 2023
- No Comment
- 1006
![](https://tv10kannada.com/wp-content/uploads/2023/12/img_20231231_1315563558500206446995325-777x1024.jpg)
ಮೈಸೂರು,ಡಿ31,Tv10 ಕನ್ನಡ
ಮನೆ ಬಾಡಿಗೆ ಪಡೆದು ಮಾಲೀಕರ ವಿಶ್ವಾಸ ಗಳಿಸಿ ಕೀ ಗಳನ್ನ ಕದ್ದು ಯಾರೂ ಇಲ್ಲದ ಸಂಧರ್ಭದಲ್ಲಿ ಚಿನ್ನಾಭರಣಗಳನ್ನ ಕದಿಯುವ ಚಾಲಾಕಿ ಮನೆಗಳ್ಳಿಯನ್ನ ಬಂಧಿಸುವಲ್ಲಿ ಆಲನಹಳ್ಳಿ ಠಾಣೆ ಪೊಲೀಸರು ಯಶಸ್ವಿಯಾಗಿದ್ದಾರೆ.ಪ್ರಿಯದರ್ಶಿನಿ ಪೊಲೀಸರವಕಾರ್ಯಾಚರಣೆಯಲ್ಲಿ ಸಿಕ್ಕಿಬಿದ್ದ ಚಾಲಾಕಿ.ಯರಗನಹಳ್ಳಿಯ ಜ್ಯೋತಿ ಎಂಬುವರ ಮನೆ ಬಾಡಿಗೆ ಪಡೆದು ತಂಗಿದ್ದ ಪ್ರಿಯದರ್ಶಿನಿ ಕೆಲವೇ ದಿನಗಳಲ್ಲಿ ವಿಶ್ವಾಸ ಗಳಿಸಿ ಕೀಗಳನ್ನ ಕದ್ದು 35 ಗ್ರಾಂ ಚಿನ್ನಾಭರಣ ಕಳುವು ಮಾಡಿ ಅಮಾಯಕಳಂತೆ ವರ್ತಿಸಿದ್ದಳು.ಹೂಟಗಳ್ಳಿ ನಗರಸಭೆಯಲ್ಲಿ ನೌಕರರಾಗಿರುವ ಜ್ಯೋತಿ ರವರಿಗೆ ಪ್ರಿಯದರ್ಶಿನಿ ಮೇಲೆ ಅನುಮಾನ ಬಂದು ಆಲನಹಳ್ಳಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.ಕೂಡಲೇ ಎಚ್ಚೆತ್ತ ಆಲನಹಳ್ಳಿ ಠಾಣೆ ಪೊಲೀಸರು ಪ್ರಿಯದರ್ಶಿನಿಯನ್ನ ವಶಕ್ಕೆ ಪಡೆದು ವಿಚಾರಣೆಗೆ ಒಳಪಡಿಸಿದಾಗ ಕಳ್ಳತನ ಮಾಡಿರುವುದಾಗಿ ಒಪ್ಪಿಕೊಂಡಿದ್ದಾಳೆ.ಆರೋಪಿಯಿಂದ 1.45. ಲಕ್ಷ ಮೌಲ್ಯದ ಚಿನ್ನಾಭರಣ ವಶಪಡಿಸಿಕೊಂಡಿದ್ದಾರೆ.ಆರೋಪಿಯನ್ನ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ.ವಿಚಾರಣೆ ವೇಳೆ ಆರೋಪಿ ಪ್ರಿಯದರ್ಶಿನಿ ಮಂಡ್ಯ ಹಾಗೂ ಶ್ರೀರಂಗಪಟ್ಟಣ ಪೊಲೀಸ್ ಠಾಣೆಯಲ್ಲಿ ಇಂತಹದ್ದೇ ಪ್ರಕರಣ ದಾಖಲಾಗಿರುವುದು ಬೆಳಕಿಗೆ ಬಂದಿದೆ.ಅಪರಿಚಿತರಿಗೆ ಮನೆ ಬಾಡಿಗೆ ಕೊಡುವ ಮುನ್ನ ಮಾಲೀಕರು ಪೂರ್ವಾಪರ ತಿಳಿದುಕೊಂಡು ವ್ಯವಹರಿಸಬೇಕೆಂದು ನಗರ ಪೊಲೀಸ್ ಆಯುಕ್ತರಾದ ಡಾ.ಬಿ.ರಮೇಶ್ ಹಾಗೂ ಡಿಸಿಪಿ ಮುತ್ತುರಾಜ್ ಸಾರ್ವಜನಿಕರಿಗೆ ಮನವಿ ಮಾಡಿದ್ದಾರೆ…