ಹಸೆಮಣೆ ಏರಬೇಕಿದ್ದ ಯುವತಿ ನೇಣಿಗೆ…ಭಾವಿಪತಿಯೇ ಕೊಲೆ ಮಾಡಿರುವ ಆರೋಪ…

ಹೆಚ್.ಡಿ.ಕೋಟೆ,ಅ6,Tv10 ಕನ್ನಡ

ಕೆಲವೇ ದಿನಗಳಲ್ಲಿ ಹಸೆಮಣೆ ಏರಬೇಕಿದ್ದ ಯುವತಿ ನೇಣುಬಿಗಿದ ಸ್ಥಿತಿಯಲ್ಲಿ ಪತ್ತೆಯಾದ ಘಟನೆ ಹೆಚ್.ಡಿ.ಕೋಟೆ ತಾಲೂಕು ಹಿರೆಹಳ್ಳಿಯಲ್ಲಿ ನಡೆದಿದೆ.ನಿಶ್ಚಿತಾರ್ಥ ಮಾಡಿಕೊಂಡ ಭಾವಿ ಪತಿಯೇ ಕೊಂದು ನೇಣು ಹಾಕಿರುವುದಾಗಿ ಯುವತಿಯ ಪೋಷಕರು ಆರೋಪಿಸಿದ್ದಾರೆ.
ಕವಿತ (20) ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾದ ದುರ್ದೈವಿ.
ಕವಿತಳೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದ ಜಗ ಅಲಿಯಾಸ್ ನಿರಂಜನ್ ಕವಿತಳನ್ನು ನೇಣು ಬಿಗಿದು ಕೊಲೆ ಮಾಡಿರುವುದಾಗಿ ಪೋಷಕರು ಆರೋಪಿಸಿದ್ದಾರೆ.ಮೂರು ತಿಂಗಳ ಹಿಂದೆ ಕವಿತ ಮತ್ತು ಜಗ ಮದುವೆ ನಿಶ್ಚಯವಾಗಿತ್ತು.
ಇದೇ ತಿಂಗಳ 22ರಂದು ಎಚ್.ಡಿ.ಕೋಟೆ ಪಟ್ಟಣದ ಜೆಎಸ್ ಎಸ್ ಮಂಗಳ ಮಂಟಪದಲ್ಲಿ ಇಬ್ಬರೂ ಸತಿಪತಿಗಳಾಗಬೇಕಿತ್ತು.
ಕವಿತ ಮನೆಯಲ್ಲಿದ್ದಾಗ ಸಂಜೆ ನಾಲ್ಕುಗಂಟೆ ಸಮಯದಲ್ಲಿ ಜಗ ಮನೆಗೆ ಬಂದಿದ್ದಾನೆ. ಕವಿ‌ತಳನ್ನು ಕೊಂದು ಮನೆಯ ಮೇಲ್ಚಾವಣಿಗೆ ನೇತುಹಾಕಿ ಮನೆಯಲ್ಲಿದ್ದ ಎರಡು ಲಕ್ಷ ನಗದು ಸಮೇತ ಹಾಗೂ ನಿಶ್ಚಿತಾರ್ಥದ ಪೋಟೋ ಮತ್ತು ಕವಿತ ಮೊಬೈಲ್ ಸಮೇತ ಜಗ ಪರಾರಾಯಾಗಿದ್ದಾನೆಂದು ಆರೋಪಿಸಿದ್ದಾರೆ.

ಕವಿತ ಪೋಷಕರ ದೂರಿನ ಮೇಲೆ ಎಚ್.ಡಿ.ಕೋಟೆ ಪೊಲೀಸರು ಆರೋಪಿ ಜಗನನ್ನು ಬಂಧಿಸಿದ್ದಾರೆ..