ಸಿಸಿಬಿ ಪೊಲೀಸರಿಂದ 2.06 ಲಕ್ಷ ಮೌಲ್ಯದ ಗಾಂಜಾ ವಶ…ಓರ್ವನ ಬಂಧನ…

ಸಿಸಿಬಿ ಪೊಲೀಸರಿಂದ 2.06 ಲಕ್ಷ ಮೌಲ್ಯದ ಗಾಂಜಾ ವಶ…ಓರ್ವನ ಬಂಧನ…

ಮೈಸೂರು,ಸೆ13,Tv10 ಕನ್ನಡ
ಪೊಲೀಸರನ್ನ ನೋಡಿ ಹೆದರಿ ಓಡಿಹೋಗುತ್ತಿದ್ದ ವ್ಯಕ್ತಿಯನ್ನ ವಶಕ್ಕೆ ಪಡೆದ ಸಿಸಿಬಿ ಸ್ಕ್ವಾಡ್ 2.06 ಲಕ್ಷ ಮೌಲ್ಯದ 5 ಕೆ.ಜಿ.150 ಗ್ರಾಂ ಗಾಂಜಾ ವಶಪಡಿಸಿಕೊಂಡಿದೆ.ಆರೋಪಿಯನ್ನ ವಶಕ್ಕೆ ಪಡೆದ ಸಿಸಿಬಿ ಪೊಲೀಸರು ಗಾಂಜಾ ಜೊತೆಗೆ ತೂಕ ಹಾಕುವ ಯಂತ್ರ ಹಾಗೂ ಒಂದು ದ್ವಿಚಕ್ರ ವಾಹನ ವಶಪಡಿಸಿಕೊಂಡಿದ್ದಾರೆ.ಮಂಡಿ ಪೊಲೀಸ್ ಠಾಣೆಯ ಸರಹದ್ದಿನಲ್ಲಿರುವ ಸನ್ನಿಚೌಕದಲ್ಲಿ ಇಬ್ಬರು ವ್ಯಕ್ತಿಗಳು ದ್ವಿಚಕ್ರ ವಾಹನದ ಮೇಲೆ ಕುಳಿತುಕೊಂಡಿದ್ದು,ಪೊಲೀಸರು ಬಂದಾಗ ಓರ್ವ ಪರಾರಿಯಾಗಿ ಮತ್ತೊಬ್ಬ ಸಿಕ್ಕಿಬಿದ್ದಿದ್ದಾನೆ.ಪೊಲೀಸರು ವಶಕ್ಕೆ ಪಡೆದ ವ್ಯಕ್ತಿಯ ಬಳಿ 2.06 ಲಕ್ಷ ಮೌಲ್ಯದ 5ಕೆ.ಜಿ.150 ಗ್ರಾಂ ತೂಕದ ಗಾಂಜಾ ದೊರೆತಿದೆ.ಪರಾರಿಯಾದ ಮತ್ತೋರ್ವ ಆರೋಪಿಯ ಪತ್ತೆಗೆ ಸಿಸಿಬಿ ಪೊಲೀಸರು ಜಾಲ ಬೀಸಿದ್ದಾರೆ.

ಡಿಸಿಪಿ ಎಂ.ಎಸ್.ಗೀತಾ ರವರ ಮಾರ್ಗದರ್ಶನದಲ್ಲಿ ಸಿಸಿಬಿ ಎಸಿಪಿ ಸಿ.ಕೆ.ಅಶ್ವತ್ಥನಾರಾಯಣ್ ಉಸ್ತುವಾರಿಯಲ್ಲಿ ಸಿಸಿಬಿ ಯ H&B ವಿಭಾಗದ ಇನ್ಸ್ಪೆಕ್ಟರ್ ಶೇಖರ್ ಕಾರ್ಯಾಚರಣೆಯನ್ನ ಯಶಸ್ವಿಗೊಳಿಸಿದ್ದಾರೆ.ಸಿಬ್ಬಂದಿಗಳಾದ ಸಲೀಂಪಾಷ,ಉಮಾಮಹೇಶ್,ಮಧುಸೂಧನ್ ಕಾರ್ಯಾಚರಣೆಯಲ್ಲಿ ಭಾಗಿಯಾಗಿದ್ದಾರೆ…