ಜಂಬೂ ಸವಾರಿ ವೇಳೆ ಎರಡು ಗುಂಪುಗಳ ನಡುವೆ ಹೊಡೆದಾಟ…ಕುಳಿತುಕೊಳ್ಳುವ ಜಾಗಕ್ಕಾಗಿ ಫೈಟ್…10 ಮಂದಿ ಪೊಲೀಸರ ವಶಕ್ಕೆ…

ಜಂಬೂ ಸವಾರಿ ವೇಳೆ ಎರಡು ಗುಂಪುಗಳ ನಡುವೆ ಹೊಡೆದಾಟ…ಕುಳಿತುಕೊಳ್ಳುವ ಜಾಗಕ್ಕಾಗಿ ಫೈಟ್…10 ಮಂದಿ ಪೊಲೀಸರ ವಶಕ್ಕೆ…

ಜಂಬೂ ಸವಾರಿ ವೀಕ್ಷಿಸಲು ಕುಳಿತುಕೊಳ್ಳುವ ಜಾಗಕ್ಕಾಗಿ ಎರಡು ಗುಂಪುಗಳ ನಡುವೆ ಹೊಡೆದಾಟವಾಗಿದೆ.ಘಟನೆಗೆ ಸಂಭಂಧಪಟ್ಟಂತೆ ಮಂಡಿ ಠಾಣೆ ಪೊಲೀಸರು 10 ಮಂದಿಯನ್ನ ವಶಕ್ಕೆ ಪಡೆದಿದ್ದಾರೆ. ಬಂಧಿತರು ತಿಲಕ್ ನಗರದ ನಿವಾಸಿಗಳಾಗಿದ್ದಾರೆ.ಸಯ್ಯಾಜಿ ರಾವ್ ರಸ್ತೆಯ ಮೊಘಲ್ ದರ್ಬಾರ್ ಹೋಟೆಲ್ ಬಳಿ ಘಟನೆ ನಡೆದಿದೆ.ಜಂಬೂ ಸವಾರಿ ವೀಕ್ಷಿಸಲು ಒಂದು ಗುಂಪು ಜಾಗ ಕಾಯ್ದಿರಿಸಿಕೊಂಡಿತ್ತು. ಮತ್ತೊಂದು ಗುಂಪು ಅದೇ ಜಾಗವನ್ನ ಆಕ್ರಮಿಸಿಕೊಳ್ಳಲು ಯತ್ನಿಸಿದೆ.ಈ ವೇಳೆ ಎರಡು ಗುಂಪುಗಳ ನಡುವೆ ಮಾತಿನ ಚಕಮಕಿ ನಡೆದು ಮಾರಾಮಾರಿಗೆ ತಿರುಗಿದೆ.ಈ ಸಂಭಂಧ ಸಾರ್ವಜನಿಕರೊಬ್ಬರು ಹಿರಿಯ ಪೊಲೀಸ್ ಅಧಿಕಾರಿಯೊಬ್ಬರಿಗೆ ಮಾಹಿತಿ ನೀಡಿದ್ದಾರೆ.ಆಗ ಎಚ್ಚೆತ್ತುಕೊಂಡ ಮಂಡಿ ಠಾಣೆ ಪೊಲೀಸರು ಕಾರ್ಯಾಚರಣೆ ನಡೆಸಿ ಎರಡು ಗುಂಪಿನಿಂದ 10 ಮಂದಿಯನ್ನ ವಶಕ್ಕೆ ಪಡೆದು ವಿಚಾರಣೆಗೆ ಒಳಪಡಿಸಿದ್ದಾರೆ…