ಪೊಲೀಸ್ ಜೀಪ್ ಗೆ ದಂಡ ವಿಧಿಸಿದ ಮೈಸೂರು ಸಂಚಾರಿ ಪೊಲೀಸರು…ಫೋಟೋ ವೈರಲ್…

ಪೊಲೀಸ್ ಜೀಪ್ ಗೆ ದಂಡ ವಿಧಿಸಿದ ಮೈಸೂರು ಸಂಚಾರಿ ಪೊಲೀಸರು…ಫೋಟೋ ವೈರಲ್…

ಮೈಸೂರು,ಜ19,Tv10 ಕನ್ನಡ
ಸಂಚಾರಿ ನಿಯಮ ಉಲ್ಲಂಘಿಸಿದ ಪೊಲೀಸ್ ಜೀಪ್ ಗೆ ಮೈಸೂರಿನ ದೇವರಾಜ ಸಂಚಾರಿ ಠಾಣೆ ಪೊಲೀಸರು ದಂಡ ವಿಧಿಸಿದ ಅಚ್ಚರಿಯ ಪ್ರಕರಣವೊಂದು ಬೆಳಕಿಗೆ ಬಂದಿದೆ.KA55-G-0377 ನೊಂದಣಿ ಸಂಖ್ಯೆಯ ಜೀಪ್ ಗೆ 1000 ರೂ ದಂಡ ವಿಧಿಸಿದ್ದಾರೆ.ಜನವರಿ 18 ರಂದು ರಾತ್ರಿ 7.30 ರ ಸಮಯದಲ್ಲಿ ಡಿ.ದೇವರಾಜ ಅರಸು ರಸ್ತೆಯಲ್ಲಿ ಸಂಚಾರಿ ನಿಯಮವನ್ನ ಉಲ್ಲಂಘಿಸಿ ಜೀಪ್ ಪಾರ್ಕಿಂಗ್ ಮಾಡಲಾಗಿತ್ತು.ಇದನ್ನ ಮನಗಂಡ ದೇವರಾಜ ಸಂಚಾರಿ ಪೊಲೀಸರು 1000 ರೂ ದಂಡ ವಿಧಿಸಿದ್ದಾರೆ.ಚಾಲಕ ಸ್ವಾಮಿ ಎಂದು ನಮೂದಿಸಲಾಗಿದೆ.ಜೀಪ್ ಮಾಲೀಕರು ಕಮೀಷನರ್ ಆಫ್ ಪೊಲೀಸ್ ಎಂದು ಉಲ್ಲೇಖವಾಗಿದೆ.ಮೈಸೂರಿನಲ್ಲಿ ಹೀಗೆ ಪೊಲೀಸ್ ವಾಹನದ ಮೇಲೆ ಸಂಚಾರಿ ನಿಯಮ ಉಲ್ಲಂಘನೆಗೆ ದಂಡ ವಿಧಿಸಿರುವುದು ಇದೇ ಪ್ರಥಮ ಎನ್ನಲಾಗಿದೆ…