ಕಾಂಗ್ರೆಸ್ ಮುನ್ನಡೆ…ಸಿದ್ದರಾಮಯ್ಯ ಸಂತಸ..ನಾನು ಮೊದಲೇ ಹೇಳಿದ್ದೆ 120 ಸೀಟ್ ಬರುತ್ತೆ ಅಂತ…

ಮೈಸೂರು,ಮೇ13,Tv10 ಕನ್ನಡ
ಕಾಂಗ್ರೆಸ್ ಪಕ್ಷ ಈ ಬಾರಿಯ ಚುನಾವಣೆಯಲ್ಲಿ 120 ಸೀಟುಗಳನ್ನು ಗೆದ್ದು ಅಧಿಕಾರ ಹಿಡಿಯಲಿದೆ ಎಂದು ವಿಧಾನ ಸಭೆ ವಿರೋಧ ಪಕ್ಷದ ನಾಯಕ ಸಿದ್ದರಾಮಯ್ಯ ಹೇಳಿದ್ದಾರೆ.
ಮತ ಎಣಿಕೆ ಸಂದರ್ಭದಲ್ಲಿ ಮಾಧ್ಯಮ ಪ್ರತಿನಿಧಿಗಳೊಂದಿಗೆ ಮಾತನಾಡಿದ ಅವರು ನಾನು ಮೊದಲೇ ಹೇಳಿದ್ದೆ ಕಾಂಗ್ರೆಸ್ಗೆ 120ಕ್ಕೂ ಹೆಚ್ಚು ಸೀಟುಗಳು ಬರುತ್ತದೆ ಎಂದು ಈಗ ಅದು ನಿಜ ಆಗಿದೆ ಎಂದು ನುಡಿದರು.

ಬಿಜೆಪಿಯ ಭ್ರಷ್ಟಾಚಾರ ಮತ್ತು ರಾಜ್ಯದಲ್ಲಿ ಯಾವುದೇ ಅಭಿವೃದ್ಧಿ ಮಾಡದ ಕಾರಣ ಜನ ಬೇಸತ್ತಿದ್ದರು

ನಾನು ಮೊದಲಿಂದನು ಹೇಳಿಕೊಂಡೆ ಬಂದಿದ್ದೆ ಬಿಜೆಪಿಯ ಭ್ರಷ್ಟಾಚಾರದಿಂದ ಅವರಿಗೆ ಈ ಬಾರಿ ಗೆಲುವು ಸಿಗುವುದಿಲ್ಲ ಎಂದು ಮತದಾರರು ಅದನ್ನು ನಿಜ ಮಾಡಿದ್ದಾರೆ ಎಂದು ತಿಳಿಸಿದರು.

ಕೇಂದ್ರದ ನಾಯಕರು ಪದೇ ಪದೇ ರಾಜ್ಯಕ್ಕೆ ಬಂದು ಮತ ಪ್ರಚಾರ ಮಾಡಿದ್ದರಲ್ಲ ಅದರ ಪ್ರಭಾವ ಆಗಿಲ್ಲವೇ ಎಂಬ ಮಾಧ್ಯಮದವರ ಪ್ರಶ್ನೆಗೆ ಪ್ರತಿಕ್ರಿಯಿಸಿದ ಸಿದ್ದರಾಮಯ್ಯ ಕರ್ನಾಟಕದ ಮತದಾರರು ಬಿಜೆಪಿ‌ ಆಡಳಿತದಿಂದ ಬೇಸತ್ತಿದ್ದರಿಂದಲೇ ಈ ಬಾರಿ ಅವರಿಗೆ ಹಿನ್ನಡೆಯಾಗಿದೆ ಎಂದು ಹೇಳಿದರು.

ನಮ್ಮ ರಾಜ್ಯದ ಜನರ ಮೇಲೆ ಕೇಂದ್ರನಾಯಕರ ಪ್ರಭಾವ ಬೀರಲು ಸಾಧ್ಯವಾಗಿಲ್ಲ ಎಂದು ಸ್ಪಷ್ಟವಾಗಿ ಹೇಳಿದರು.
ಸಚಿವ ವಿ ಸೋಮಣ್ಣ ಚಾಮರಾಜನಗರ ಮತ್ತು ವರುಣ ಎರಡು ಕ್ಷೇತ್ರಗಳಲ್ಲೂ ಸೋಲನುಭವಿಸಲಿದ್ದಾರೆ ಎಂದು ಇದೇ ವೇಳೆ ಸಿದ್ದರಾಮಯ್ಯ ಭವಿಷ್ಯ ನುಡಿದರು.