ಸಾಲಬಾಧೆ…ಕೆರೆಗೆ ಹಾರಿ ರೈತ ಆತ್ಮಹತ್ಯೆ…

ಹುಣಸೂರು,ಡಿ12,TV10ಕನ್ನಡ

ಸಾಲಭಾಧೆಯಿಂದ ಬೇಸತ್ತ ರೈತ ಕೆರೆಗೆ ಹಾರಿ ಆತ್ಮಹತ್ಯೆಗೆ ಶರಣಾದ ಘಟನೆ ಹುಣಸೂರು ತಾಲೂಕು ಹನಗೋಡು ಹೋಬಳಿ ಅತ್ತಿಕುಪ್ಪೆ ಗ್ರಾಮದಲ್ಲಿ ನಡೆದಿದೆ. ಕುಮಾರ್(45) ಮೃತ ದುರ್ದೈವಿ. ಕರ್ನಾಟಕ ಬ್ಯಾಂಕ್ ನಲ್ಲಿ 5ಲಕ್ಷ,ಕೈ ಸಾಲ 3ಲಕ್ಷ,ಒಟ್ಟು 10 ಲಕ್ಷ ರೂ ಮಾಡಿದ್ದ ಕುಮಾರ್ ಹಿಂದಿರುಗಿಸಲಾಗದ ಹಿನ್ನಲೆ ಹೆದರಿ ಆತ್ಮಹತ್ಯೆಗೆ ಶರಣಾಗಿದ್ದಾರೆ.ಎರಡು ಎಕರೆ ಜಮೀನು ಇದ್ದು ತಂಬಾಕು ಮತ್ತೆ ಶುಂಠಿ ಬೆಳೆದು ಮಳೆ ಇಲ್ಲದೆ ನಷ್ಟ ಹೊಂದಿದ ಕುಮಾರ್ ಅತ್ತಿ ಕುಪ್ಪೆ ಗ್ರಾಮದ ಮನೆಯ ಸಮೀಪದಲ್ಲಿರುವ ಕೆರೆಗೆ ಬಿದ್ದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.ಸರ್ಕಾರದಿಂದ ಪರಿಹಾರ ನೀಡುವಂತೆ ಗ್ರಾಮಸ್ಥರು ಆಗ್ರಹಿಸಿದ್ದಾರೆ…