ಫೆಡ್ ಎಕ್ಸ್ ಪಾರ್ಸಲ್ ದುರ್ಬಳಕೆ ಹೆಸರಲ್ಲಿ ಮಹಿಳೆಗೆ ವಂಚನೆ…98 ಸಾವಿರಕ್ಕೆ ಉಂಡೆನಾಮ…
- Crime
- January 6, 2024
- No Comment
- 329
ಮೈಸೂರು,ಜ6,Tv10 ಕನ್ನಡ
ಫೆಡ್ ಎಕ್ಸ್ ಪಾರ್ಸಲ್ ನಲ್ಲಿ ಆಧಾರ್ ಕಾರ್ಡ್ ದುರ್ಬಳಕೆ ಆಗುತ್ತಿದೆ ಹುಷಾರ್ ಎಂದು ಅನಾಮಧೇಯ ವ್ಯಕ್ತಿ ನೀಡಿದ ಸುಳ್ಳು ಮಾಹಿತಿಯನ್ನ ನಂಬಿದ ಮಹಿಳೆಯೊಬ್ಬರು 98,800/- ರೂ ಕಳೆದುಕೊಂಡಿದ್ದಾರೆ.ಮೈಸೂರಿನ ಸಿದ್ದಾರ್ಥ ನಗರದ ಅರ್ಪಿತ ಎಂಬುವರೇ ಹಣ ಕಳೆದುಕೊಂಡವರು.ಕೆಲವು ದಿನಗಳ ಹಿಂದೆ ಅನಾಮದೇಯ ವ್ಯಕ್ತಿ ಕರೆ ಮಾಡಿ ಫೆಡ್ ಎಕ್ಸ್ ಪಾರ್ಸಲ್ ನಲ್ಲಿ ನಿಮ್ಮ ಆಧಾರ್ ಕಾರ್ಡ್ ದುರ್ಬಳಕೆ ಆಗುತ್ತಿದೆ.ಆಧಾರ್ ಕಾರ್ಡ್ ಹೆಸರಲ್ಲಿ ಬಂದ ಪಾರ್ಸಲ್ ರಿಜೆಕ್ಟ್ ಆಗಿದ್ದು ಅದರಲ್ಲಿ ಡ್ರಗ್ಸ್ ಹಾಗೂ ಅವಧಿ ಮುಗಿದ ಪಾಸ್ ಪೋರ್ಟ್ ಗಳು ಇದೆ ಎಂದು ನಂಬಿಸಿ ತಾನು ಮುಂಬೈ ಪೊಲೀಸ್ ಎಂದು ತಿಳಿಸಿದ್ದಾನೆ.ವಂಚಕನ ಮಾತು ನಂಬಿದ ಅರ್ಪಿತ ಆತ ಹೇಳಿದಂತೆ ಕೇಳಿ 98,887/- ರೂ ಹಾಕಿದ್ದಾರೆ.ನಂತರ ತಾನು ಮೋಸ ಹೋಗಿರುವುದು ಖಚಿತವಾಗಿ ಅರ್ಪಿತಾ ಮೈಸೂರಿನ ಸೈಬರ್ ಪೊಲೀಸ್ ಠಾಣೆಗೆ ದೂರು ನೀಡಿ ಪ್ರಕರಣ ದಾಖಲಿಸಿದ್ದಾರೆ…
