ಅನಾಮದೇಯ ವಿಡಿಯೋ ಕಾಲ್ ರಿಸೀವ್ ಮಾಡ್ತೀರಾ…? ಹಾಗಿದ್ರೆ ಜೋಕೆ…! ಯುವ ಪತ್ರಕರ್ತನಿಗೆ ಏನಾಯ್ತು ಗೊತ್ತಾ..?

ಅನಾಮದೇಯ ವಿಡಿಯೋ ಕಾಲ್ ರಿಸೀವ್ ಮಾಡ್ತೀರಾ…? ಹಾಗಿದ್ರೆ ಜೋಕೆ…! ಯುವ ಪತ್ರಕರ್ತನಿಗೆ ಏನಾಯ್ತು ಗೊತ್ತಾ..?

ಮೈಸೂರು,ಆಗಸ್ಟ್21,Tv10 ಕನ್ನಡ
ಅನಾಮದೇಯ ವಿಡಿಯೋ ಕಾಲ್ ರಿಸೀವ್ ಮಾಡಿದ ಯುವ ಪತ್ರಕರ್ತನೊಬ್ಬ ಬ್ಲಾಕ್ ಮೇಲ್ ಗೆ ಒಳಗಾದ ಘಟನೆ ನಡೆದಿದೆ. ಹಣಕ್ಕಾಗಿ ಬೇಡಿಕೆ ಇಟ್ಟ ಅನಾಮಧೇಯ ವ್ಯಕ್ತಿ ಬ್ಲಾಕ್ ಮೇಲ್ ಮಾಡಿದ್ದಾನೆ.ಅಪರಿಚಿತ ವ್ಯಕ್ತಿಯ ವಿರುದ್ದ ಪತ್ರಕರ್ತ ಸೈಬರ್ ಠಾಣೆಗೆ ದೂರು ನೀಡಿದ್ದಾರೆ.

ಹುಣಸೂರು ತಾಲೂಕಿನ ಬಿಳಿಕೆರೆ ಹೋಬಳಿ ನಿವಾಸಿ ವಾಸು@ವಿಶಾಂತ್ ಬ್ಲಾಕ್ ಮೇಲ್ ಗೆ ಒಳಗಾದವರು.ಇಂದು ಬೆಳಿಗ್ಗೆ ಸುಮಾರು 9 ಗಂಟೆಗೆ ಅನಾಮದೇಯ ವ್ಯಕ್ತಿ ವಾಟ್ಸಾಪ್ ಕಾಲ್ ಮಾಡಿದ್ದಾರೆ.ಕಾಲ್ ರಿಸೀವ್ ಮಾಡಿದ ವಾಸು ಗೆ ವಿಡಿಯೋದಲ್ಲಿ ಯುವತಿಯೊಬ್ಬಳು ನಗ್ನಳಾಗುತ್ತಿರುವ ದೃಶ್ಯಗಳು ಕಂಡು ಬಂದಿದೆ.ಕೂಡಲೇ ವಾಸು ಕಾಲ್ ಕಟ್ ಮಾಡಿದ್ದಾರೆ.ನಂತರ ನಿರಂತರವಾಗಿ ಅದೇ ನಂಬರ್ ನಿಂದ ಫೋನ್ ಮಾಡಿ ನಗ್ನ ವಿಡಿಯೋ ವೀಕ್ಷಿಸುತ್ತಿರುವಂತೆ ಎಡಿಟ್ ಮಾಡಿ ಸ್ಕ್ರೀನ್ ಶಾಟ್ ತೆಗೆದು ವಾಟ್ಸಾಪ್ ಗೆ ಹಾಕಿ ಹಣಕ್ಕೆ ಡಿಮ್ಯಾಂಡ್ ಮಾಡಿದ್ದಾರೆ.ಹಣ ಕೊಡದಿದ್ದಲ್ಲಿ ಫೇಸ್ ಬುಕ್ ನಲ್ಲಿರುವ ಫ್ರೆಂಡ್ಸ್ ಹಾಗೂ ಸಂಭಂಧಿಕರಿಗೆ ಅಪ್ ಲೋಡ್ ಮಾಡುವುದಾಗಿ ಬೆದರಿಕೆ ಹಾಕಿದ್ದಾರೆ.ಕೂಡಲೇ ವಾಸು ರವರು ಮೈಸೂರಿನ ಸೈಬರ್ ಪೊಲೀಸ್ ಠಾಣೆಗೆ ತೆರಳಿ ದೂರು ನೀಡಿದ್ದಾರೆ.ದೂರು ದಾಖಲಿಸಿಕೊಂಡಿರುವ ಸೈಬರ್ ಠಾಣೆ ಪೊಲೀಸರು ಅನಾಮಧೇಯ ವ್ಯಕ್ತಿಯ ಪತ್ತೆಗೆ ಜಾಲ ಬೀಸಿದ್ದಾರೆ…