ಮೈಸೂರು: ಹಾಡುಹಗಲೇ ಗೃಹಿಣಿಯ ಕತ್ತು ಹಿಸುಕಿ ಕೊಲೆ…

ಮೈಸೂರು,ನ15,Tv10 ಕನ್ನಡ

ಹಾಡುಹಗಲೇ ಒಂಟಿಯಾಗಿದ್ದ ಗೃಹಿಣಿಯ ಕತ್ತುಹಿಸುಕಿ ಕೊಲೆ ಮಾಡಿರುವ ಘಟನೆ ಮೈಸೂರಿನ ಕುವೆಂಪುನಗರದ ಜ್ಯೋತಿ ಕಾನ್ವೆಂಟ್ ಬಳಿ ನಡೆದಿದೆ.ಮಂಜುಳಾ(41) ಮೃತ ದುರ್ದೈವಿ.ಶಾಲೆಗೆ ತೆರಳಿದ್ದ ಮಗಳು ಮನೆಗೆ ಹಿಂದಿರುಗಿದಾಗ ಕೃತ್ಯ ಬೆಳಕಿಗೆ ಬಂದಿದೆ.ಹೆಚ್.ಡಿ.ಕೋಟೆಯ ಸಮಾಜ ಕಲ್ಯಾಣ ಇಲಾಖೆಯಲ್ಲಿ ವ್ಯವಸ್ಥಾಪಕರಾಗಿರುವ ನಾಗರಾಜ್ ಎಂಬುವರ ಪತ್ನಿ ಮಂಜುಳಾ ರ ಕುತ್ತಿಗೆಯನ್ನ ಸ್ಕಾರ್ಫ್ ನಲ್ಲಿ ಉಸಿರುಗಟ್ಟಿಸಿ ಕೊಲೆ ಮಾಡಲಾಗಿದೆ.26 ವರ್ಷಗಳ ಹಿಂದೆ ಮಂಜುಳಾ ಹಾಗೂ ನಾಗರಾಜ್ ಮದುವೆ ಆಗಿತ್ತು.ದಂಪತಿಗೆ ಮಕ್ಕಳಿರಲಿಲ್ಲ.ಅಣ್ಣನ ಮಗಳು ಮೂರು ವರ್ಷದ ಮೇಘಾ ಳನ್ನ ದತ್ತು ಪಡೆದಿದ್ದರು.ಮೇಘಾ ಶಾಲೆಯಿಂದ ಹಿಂದಿರುಗಿದಾಗ ಮಂಜುಳಾ ಕೊಲೆಯಾಗಿರುವ ವಿಚಾರ ಬೆಳಕಿಗೆ ಬಂದಿದೆ.ಮಂಜುಳಾ ಕುತ್ತಿಗೆಯಲ್ಲಿ ಉಸಿರು ಕಟ್ಟಿಸಿ ಕೊಂದಿರುವ ಕುರುಹು ಪತ್ತೆಯಾಗಿದೆ.ಸ್ಥಳಕ್ಕೆ ಕುವೆಂಪುನಗರ ಠಾಣೆ ಪೊಲೀಸರು ಭೇಟಿ ನೀಡಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.ಮಂಜುಳಾ ಕೊಲೆಗೆ ಕಾರಣ ತಿಳಿದುಬಂದಿಲ್ಲ…