ಡಾಕ್ಟರ್ ಗೆ ಬ್ಲಾಕ್ ಮೇಲ್…ವೈಯುಕ್ತಿಕ ಫೋಟೋ ಸೋಷಿಯಲ್ ಮೀಡಿಯಾದಲ್ಲಿ ಅಪ್ ಲೋಡ್ ಮಾಡಿ ಕಿರುಕುಳ…

ಮೈಸೂರು,ಡಿ9,Tv10 ಕನ್ನಡ

ಫೇಸ್ ಬುಕ್ ನಲ್ಲಿ ಪರಿಚಯವಾದ ಯುವಕನನ್ನ ಮದುವೆ ಆಗಲು ನಿರಾಕರಿಸಿದ ವೈದ್ಯೆಗೆ ವೈಯುಕ್ತಿಕ ಫೋಟೋಗಳನ್ನ ಸಾಮಾಜಿಕ ಜಾಲತಾಣದಲ್ಲಿ ಅಪ್ ಲೋಡ್ ಮಾಡಿ ಬ್ಲಾಕ್ ಮಾಡಿರುವ ಪ್ರಕರಣ ಮೈಸೂರಿನ ಸೆನ್ ಪೊಲೀಸ್ ಠಾಣೆಯಲ್ಲಿ ದಾಖಲಾಗಿದೆ. ಯುವಕನ ವಿರುದ್ದ ಕಾನೂನು ಕ್ರಮ ಕೈಗೊಳ್ಳುವಂತೆ ವೈದ್ಯೆ ಸೆನ್ ಪೊಲೀಸ್ ಠಾಣೆಯಲ್ಲಿ FIR ದಾಖಲಿಸಿದ್ದಾರೆ.ಹುಸ್ಮಾನ್ (25) ಎಂಬಾತನ ವಿರುದ್ದ ಪ್ರಕರಣ ದಾಖಲಾಗಿದೆ.2017 ರಲ್ಲಿ ನೊಂದ ವೈದ್ಯೆ ಜೊತೆ ಹುಸ್ಮಾನ್ ಫೇಸ್ ಬುಕ್ ನಲ್ಲಿ ಪರಿಚಯವಾಗಿದ್ದಾನೆ.ನಂತರ ಆಕೆಯ ಮೊಬೈಲ್ ನಿಂದ ಫೋಟೋಗಳನ್ನ ತನ್ನ ಮೊಬೈಲ್ ಗೆ ವರ್ಗಾಯಿಸಿಕೊಂಡಿದ್ದಾನೆ.ನಿನ್ನನ್ನು ಪ್ರೀತಿಸುತ್ತಿದ್ದೇನೆ ಮದುವೆ ಆಗುವಂತೆ ಒತ್ತಾಯಿಸಿದ್ದಾನೆ.ಇದನ್ನ ನಿರಾಕರಿಸಿದ ವೈದ್ಯೆಯ ಫೋಟೋಗಳ ಜೊತೆ ತಾನು ಇರುವಂತೆ ಎಡಿಟ್ ಮಾಡಿ ತಂದೆಗೆ ಹಾಗೂ ಸಂಭಂಧಿಕರಿಗೆ ಕಳುಹಿಸುವುದಾಗಿ ಹೆದರಿಸಿದ್ದಾನೆ.ಈ ಬೆಳವಣಿಗೆ ನಂತರ ವೈದ್ಯೆ ಹುಸ್ಮಾನ್ ಜೊತೆ ಸಂಪರ್ಕ ಮುರಿದುಕೊಂಡಿದ್ದಾರೆ ಹಾಗೂ ಬೇರೊಬ್ಬ ಹುಡುಗನ ಜೊತೆ ಮದುವೆ ನಿಶ್ಚಯವಾಗಿದೆ.ಈ ವೇಳೆ ಎಡಿಟ್ ಮಾಡಿದ ಫೋಟೋಗಳನ್ನ ಫೇಕ್ ಇನ್ಸ್ಟಾಗ್ರಾಂ ಕ್ರಿಯೇಟ್ ಮಾಡಿ ಹಾಗೂ ಸೋಷಿಯಲ್ ಮೀಡಿಯಾದಲ್ಲಿ ಅಪ್ ಲೋಡ್ ಮಾಡಿದ್ದಾನೆ.ಅಲ್ಲದೆ ಮದುವೆ ಆದ ಹುಡುಗನಿಗೆ ವೈದ್ಯೆಯೇ ಫೋಟೋಗಳನ್ನ ಕಳುಹಿಸಿದಂತೆ ಮಾಡಿ ಮಾನಸಿಕವಾಗಿ ಹಿಂಸೆ ನೀಡಿದ್ದಾನೆ.ಯುವಕನ ಕಿರುಕುಳಕ್ಕೆ ಬೇಸತ್ತ ವೈದ್ಯೆ ಸೆನ್ ಪೊಲೀಸರ ಮೊರೆ ಹೋಗಿ ಪ್ರಕರಣ ದಾಖಲಿಸಿದ್ದಾರೆ…