ಅನಿಲ ಸೋರಿಕೆ:ಅಗ್ನಿಶಾಮಕ ಸಿಬ್ಬಂದಿ ಕ್ವಾರ್ಟರ್ಸ್ ನಲ್ಲಿ ಬೆಂಕಿ…6 ಮಂದಿಗೆ ಗಾಯ…

ಅನಿಲ ಸೋರಿಕೆ:ಅಗ್ನಿಶಾಮಕ ಸಿಬ್ಬಂದಿ ಕ್ವಾರ್ಟರ್ಸ್ ನಲ್ಲಿ ಬೆಂಕಿ…6 ಮಂದಿಗೆ ಗಾಯ…

ಮೈಸೂರು,ಜ4,Tv10 ಕನ್ನಡ
ಮೈಸೂರಿನ ಬನ್ನಿಮಂಟಪದಲ್ಲಿರುವ ಅಗ್ನಿಶಾಮಕ ಸಿಬ್ಬಂದಿಗಳ ವಸತಿ ನಿಲಯದ ಮನೆಯೊಂದರಲ್ಲಿ ಬೆಂಕಿ ಕಾಣಿಸಿಕೊಂಡ ಪರಿಣಾಮ 6 ಮಂದಿ

ಗಾಯಗೊಂಡಿದ್ದಾರೆ.ಒಂದೇ ಮನೆಯ ನಾಲ್ವರು ಹಾಗೂ ನೆರೆಮನೆಯ ಇಬ್ಬರು ಗಾಯಗೊಂಡಿದ್ದಾರೆ.ಫೈರ್ ಮನ್ ಮಹದೇವಪ್ಪ ರವರ ಮನೆಯಲ್ಲಿ ಅವಘಢ ನಡೆದಿದೆ.ಬೆಳಿಗ್ಗೆ ಕಾಫಿ ಮಾಡಲು ಸ್ಟೌ ಹತ್ತಿಸುವಾಗ ಬೆಂಕಿ ಕಾಣಿಸಿಕೊಂಡು ಸಂಪೂರ್ಣ ಮನೆ

ವ್ಯಾಪಿಸಿದೆ.ಘಟನೆಯಲ್ಲಿ ಮಹದೇವ(36)ಇವರ ಪತ್ನಿ ಗೀತಾ(32) ಮಕ್ಕಳಾದ ಮೌನಶ್ರೀ(10)ಮಿಥುನ(5) ಹಾಗೂ ನೆರೆಮನೆಯವರಾದ ಸವಿತಾ ಮತ್ತು ಭಾಗ್ಯಮ್ಮ ಗಾಯಗೊಂಡಿದ್ದಾರೆ.ಗಾಯಾಳುಗಳಿಗೆ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.ಬೆಂಕಿ ಆವಘಢ ಸಂಭವಿಸುತ್ತಿದ್ದಂತೆಯೇ

ಕಾರ್ಯೋನ್ಮುಖರಾದ ಅಗ್ನಿಶಾಮಕ ಸಿಬ್ಬಂದಿಗಳು ಬೆಂಕಿಯನ್ನ ನಂದಿಸುವಲ್ಲಿ ಯಶಸ್ವಿಯಾಗಿದ್ದಾರೆ.ಮನೆಯ ಪೀಠೋಪಕರಣಗಳು ಸಂಪೂರ್ಣ ಬೆಂಕಿಗೆ ಆಹುತಿಯಾಗಿದೆ.ಅನಿಲ ಸೋರಿಕೆ ಬೆಂಕಿ ಅವಘಢಕ್ಕೆ ಕಾರಣ

ಎನ್ನಲಾಗಿದೆ.ಎನ್.ಆರ್.ಠಾಣೆ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ…