ತಂಗಿಯ ಎಂಗೇಜ್ಮೆಂಟ್ ದಿನವೇ ಅಣ್ಣನನ್ನ ಬರ್ಬರವಾಗಿ ಕೊಲೆ ಮಾಡಿದ ಘಟನೆ ಕಲಬುರಗಿ ಹೊರವಲಯದ ಕೊಟನೂರ ಬಳಿ ನಡೆದಿದೆ. ನಿಖೀಲ್(24)ಕೊಲೆಯಾದ ದುರ್ದೈವಿ.ಎಂಗೇಜ್ ಮೆಂಟ್ ಗಾಗಿ ತರಕಾರಿ ತರಲು ಹೋಗಿದ್ದ ವೇಳೆ ನಿಖಿಲ್ ಕೊಲೆಯಾಗಿದ್ದಾನೆ. ಮೃತ ನಿಖಿಲ್ ಸಹೋದರಿಯನ್ನ ಯುವಕನೊಬ್ಬ ಪ್ರೀತಿಸುತ್ತಿದ್ದ.ಯುವಕನ ಪ್ರೀತಿಗೆ ಮನೆಯವರ ವಿರೋಧವಿತ್ತು.ಬೇರೊಬ್ಬ ಯುವಕನ ಜೊತೆ ಮದುವೆ ನಿಶ್ಚಿಯ ಮಾಡಿದ್ದರು. ಇಂದು ನಿಶ್ಚಿತಾರ್ಥ ಕಾರ್ಯಕ್ರಮ ನಡೆಯಬೇಕಿತ್ತು.ಈ ಹಿನ್ನಲೆಯಲ್ಲಿ ತಾಯಿ ಹಾಗೂ ಅಣ್ಣನ ಜೊತೆ ತರಕಾರಿ ಖರೀದಿಸಲು ಬಂದಿದ್ದ.ಈ ವೇಳೆ ನಿಖಿಲ್ ಸಹೋದರಿಯನ್ನ ಪ್ರೀತಿಸುತ್ತಿದ್ದ ಯುವಕ ಉದ್ದೇಶಪೂರ್ವಕವಾಗಿ ಕ್ಯಾತೆ ತೆಗೆದು ಗಲಾಟೆ ಮಾಡಿದ್ದಾನೆ.ಈ ವೇಳೆ ಮಾತಿನ ಚಕಮಕಿ ಬೆಳೆದು ಮಾರಕಾಸ್ತ್ರಗಳಿಂದ ನಿಖಿಲ್ ಸಾರ್ವಜನಿಕರ ಮಧ್ಯೆ ಬರ್ಬರವಾಗಿ ಹತ್ಯೆ ಮಾಡಿ ಪರಾರಿಯಾಗಿದ್ದಾನೆ. ಘಟನೆಯಲ್ಲಿ ನಿಖೀಲ್ ತಾಯಿ ಮತ್ತು ಅಣ್ಣನಿಗೂ ಗಂಭೀರವಾಗಿ ಗಾಯಗಳಾಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಪ್ರಕರಣ ದಾಖಲಿಸಿಕೊಂಡಿರುವ ಕಲಬುರಗಿ ವಿಶ್ವವಿದ್ಯಾಲಯ ಠಾಣೆ ಪೊಲೀಸರು ಆರೋಪಿಯನ್ನ ಬಂಧಿಸಲು ಬಲೆ ಬೀಸಿದ್ದಾರೆ…
